Home Equipping Leaders Pacific Islander Kaveinga Lotu ki Siune 2024

Kaveinga Lotu ki Siune 2024

Stock hands praying over open bible

Siune: ‘Oku fai ‘e he Kelesi ‘a e ‘Otuá, ‘a hotau Liliú / The Grace of God Changes Us.

Sāpate 2 Hili ‘a e Penitekosi: Ke tau hūfia ‘a e ngāue ‘o e ‘ahó ni mo e Uiké, pea tau lotua ‘a e ngaahi Konifelenisi faka-ta`u (Annual Conference) `oku fakahoko `i he mahiná ni, pea tau tautapa ki he Kelesi `a e `Otuá ke ne liliu kitautolu ke tau tuha mo `ene `ofá mo e ui `oku fai ki he `etau mo`uí (1 Samiuela 3: 1-10).

‘Ahongofua 1: Tau fakafeta`i `i he `etau a`usia `a e `uluaki lotu `aho ngofua `o e mahina vaeua `o e ta`ú, `o tau kei fakamo`oni “‘Oku fai ‘e he Kelesi ‘a e ‘Otuá, ‘a hotau Liliú,” pea tau pīkitai ki he Kelesi ko iá ke ne fai hotau fakaa`u `i he ngaahi fatongia kotoa pe `oku tau fakafua `i he mo`ui (2 Kolinito 4: 15-18).

Sāpate 3 Hili ‘a e Penitekosi: Ke tau hūfia ‘a e ngāue ‘o e ‘ahó ni mo e Uiké, pea tau lotua `a `etau fānaú pea mo e faka`osi`osi `o e ta`u fakaako ko `eni ke nau kei `inasi `i he kelesi `a e `Otuá ke fai ai honau liliu pea ma`u ai `a e maama faka`atamai ke fakatupulekina ai `a e mo`ui (Saame 138).

‘Ahongofua 2: Ke tau hūfia `a e ngaahi Tamai `a e Fāmilí, Siasí mo e Fonuá ke kei fai `e he Kelesi `a e `Otuá honau liliú, pea nau kei mo`ui `aki `a honau fatongia faka-`Otua ko e tō mo tauhi `a e pulopula tapu `a e `Otuá, ka ko e fanau kuo foaki kiate kinautolu (Ma`ake 4: 26-29).

Sāpate 4 Hili ‘a e Penitekosi (Sāpate Tāmai): Ke tau hūfia ‘a e ngāue ‘o e ‘ahó ni mo e Uiké, pea tautapa ki he Kelesi liliu mo’ui ‘a ‘etau Tamai Faka-Hēvani ke ne tokoni’i si’etau fānau kuo nau mo’ua he ngaahi faingata’a kehekehe ‘o e mo’uí ni koe’uhi ko ha’anau fehalaaki pe ko e fehalaaki ‘a e mātu`á (Saame 20).

‘Ahongofua 3: Ke tau tautapa ki he `Otuá ke kei a`u mai `a `ene Kelesí `o fai hotau liliú, pea tau ma`u ai `a e `ilo mo e mafai fe`unga ke ikuna`i `aki `a e ngaahi fu`u “Kolaiate” `oku tau fetaulaki mo ia `i he mo`uí ni (1 Samiuela 17: 39-40).

Sapate 5 Hili ‘a e Penitekosi: Ke tau hūfia ‘a e ngāue ‘o e ‘ahó ni mo e Uiké, pea tau lotua `a e si`i kakai tukuhāusia, masiva ange, mo li`ekina `i hotau `ātakaí, pea tau pole ai ke fai ha kihi`i ngāue ke fakasino `aki `a `etau `ofa kiate kinautolú (Saame 9: 9-14).

‘Ahongofua 4: Ke tau hūfia `a e ngaahi fehikitaki `oku fakahoko `i he faka`osinga `o e ta`u faka-Konifelenisi ko `eni, ke `inasi tatau `a e kau Faifekaú mo e ngaahi Tokanga Ngoué `i he kelesi `a e `Otuá ke fakafua `aki `a lakanga fo`ou `oku ui kinautolu ki aí (2 Kolinito 8: 7).

Sapate 6 Hili ‘a e Penitekosi: Ke tau hūfia ‘a e ngāue ‘o e ‘ahó ni mo e Uiké, pea tau tautapa ki he `Otuá ke faka`uha mai `a `ene Kelesí ke tau liliu ai, ke malava `o matu`uhekina `a e ngaahi feliuliuaki `oku tau fetaulaki mo ia `i he hala fonongá (Saame 130: 5-8).

KO E LAU FOLOFOLA FAKA’AHO

Contact Us for Help

View staff by program area to ask for additional assistance.

Related


Subscribe

* indicates required

This is a bi-monthly email where you’ll receive the highest quality resources to support your disciple-making process. Everything from Helpful Articles, New Webinar Series and Podcasts, Discounted Teaching Series, and so much more!

Please confirm that you want to receive email from us.

You can unsubscribe at any time by clicking the link in the footer of our emails. For information about our privacy practices, please read our Privacy Policy page.

We use Mailchimp as our marketing platform. By clicking below to subscribe, you acknowledge that your information will be transferred to Mailchimp for processing. Learn more about Mailchimp's privacy practices here.